Lenovo LePad S2005

Përveç dy tablove që punojnë në Android (me ekrane 7 dhe 10 inç), Lenovo në Kinë edhe zyrtarisht ka prezantuar LePad S2005, për të cilin thonë se është një hibrid mes telefonit të mençur dhe tablosë. Sipas raporteve, kjo pajisje vjen me ekran 5 inç me rezolucion 800×480 piksel, punon në procesorin Qualcomm me takt pune 1.2GHz, ka 1GB RAM dhe bateri me kapacitet 1680mAh.

Rezolucioni i kamerës së pasme është 5 megapiksel dhe me të mund të xhirohen video në formatin 1080p HD, derisa rezolucioni i kamerës së pasme është 1.3MP, çka do të ishte e mjaftueshme për video-chat. Sistemi operues në të cilin punon kjo pajisje mobile, është Android, versioni 2.3.5, ndërsa me kohë do t’i shtohet edhe Ice Cream Sandwich.

Nga opsionet tjera duhet veçuar kyçjen microUSB, miniHDMI dhe mbështetjen për HSPA+ dhe natyrisht WiFi.

Ende nuk dihet çmimi i tij./zeri/kekompjuter/

Read More

Prestigio Nobile PER3172

Prestigio ka paralajmëruar modelin e ri nga seria e vet Nobile e lexuesve të e-librave (e-book) – Nobile PER3172, i cili vjen me ekranin 7 inç TFT me ngjyra me rezolucion 800 x 480 piksel, i cili mundëson leximin e thjeshtë dhe të qartë të e-librave, gazetave dhe revistave. Ekrani anti-refleks është dizajnuar në mënyrë të posaçme për të përmirësuar leximin në një ambient me ndriçim të dobët.

Kjo pajisje mbështet formatet më të popullarizuara të teksteve, ka mundësinë e ndërrimit të madhësisë së fondit dhe të riprodhojë audio-datotekat, video-regjistrimet dhe fotot. Prestigio PER3172 posedon procesor 400 MHz ARM9 me mbështetje DSP, 2GB memorie të brendshme dhe portin për kartelat e memories microSD, e cila mundëson rritjen e kapacitetit deri në 16 GB.

Bateria me kapacitet 2100 mAh, siguron deri në 8 orë lexim dhe 30 orë dëgjim muzike. Pajisja është e hollë 11.2 mm dhe peshon 260 gramë dhe mund të futet edhe në xhep./zeri/kekompjuter/

Read More

Acer dhe Lenovo me tablo me platformë Tegra 3

Pasi Nvidia ka paralajmëruar platformën e saj Tegra 3, e cila do të mundësojë performanca shumë më të mira në telefonat e mençur dhe kompjuterët tablo, Asus ka prezantuar tablonë e saj të parë që do të punojë në të, modelin Transformer Prime, i cili për nga aspekti harduerik, është tabloja më e përparuar në treg.

Mirëpo, edhe kompanitë e tjera përgatisin pajisjet e tyre mobile që do ta përdorin forcën e Tegra-s së re, kështu që në këtë drejtim janë duke punuar edhe Acer dhe Lenovo, tablotë e të cilëve në treg do të paraqiten në fillim të vitit të ardhshëm dhe do të punojnë në sistemin operues Ice Cream Sandwich. Siç është bërë e njohur, prodhuesit e pajisjeve mobile nuk janë të kënaqur me shitjen e tanishme të tablove që punojnë në Android, por shpresojnë se kjo do të ndryshojë me Tegra-n./zeri/kekompjuter

Read More

Tabloja ViewPad 10e me ekran 3D

Fotoja tredimensionale është gjithnjë e më e popullarizuar, kështu që tani do të gjendet edhe në kompjuterët tablo. Dhe një tablo me një ekran të tillë, është edhe modeli ViewSonic ViewPad 10e.

ViewSonic ViewPad 10e është një tablo ultra- e hollë, pa detaje në sipërfaqe. I dedikohet si biznesmenëve, ashtu edhe adhuruesve të multi-medias.

Bazën e tij e përbën procesori i fuqishëm Cortex A8, i cili punon me takt prej 1GHz dhe 512MB memorie punuese. Për hapësirën e ruajtjes së të dhënave, përkujdese Slash Storage me kapacitet 4GB, ndërsa në rast se kjo ju duket pak, përmes portit për microSD, mund ta rrisni ndjeshëm këtë kapacitet.

ViewPad 10e peshon vetëm 620 gram dhe vjen me lidhje me dhe pa tel, çka do ta vlerësojnë shumë përdoruesit më të avancuar.

Armën më të fuqishme e ka ekranin fantastik IPS 3D prej 10 inçëve dhe me rezolucion 1024x768 piksel, i aftë për të ofruar riprodhim të mahnitshëm të ngjyrave dhe foto të qartë si kristal. Posedon edhe ueb-kamerën 1.3 MP. I njëjti mbështet edhe multi-gjestikulacionet dhe është tejet i thjeshtë për mirëmbajtje.

Procesori: Cortex A8

Kamera: 1.3 MP

Memoria: 4GB

Audio: DLNA, Wi-Fi

Rezolucioni: 1024x768 piksel

Armën më të fuqishme e ka ekranin fantastik IPS 3D prej 10 inçëve dhe me rezolucion 1024x768 piksel, i aftë për të ofruar riprodhim të mahnitshëm të ngjyrave dhe foto të qartë si kristal

ViewSonic ViewPad 10e është një tablo ultra- e hollë, pa detaje në sipërfaqe. I dedikohet si biznesmenëve, ashtu edhe adhuruesve të multi-medias

Bazën e tij e përbën procesori i fuqishëm Cortex A8, i cili punon me takt prej 1GHz dhe 512MB memorie punuese. Për hapësirën e ruajtjes së të dhënave, përkujdese Slash Storage me kapacitet 4GB./zeri/kekompjuter

Read More